O Consello Consultivo de Galicia presente no acto de entrega de reais despachos da Armada presidido polo Rei Felipe VI

O Consello Consultivo de Galicia presente no acto de entrega de reais despachos da Armada presidido polo Rei Felipe VI

Autoridades e familiares presencian en Marín a cerimonia de gradación dos novos oficiais coincidindo co Día do Carme

Santiago de Compostela, 16 de xuño de 2026.- O Consello Consultivo de Galicia, a través do seu presidente Andrés Lago Louro, estivo representado institucionalmente no acto de entrega de reais despachos de emprego aos novos alféreces de navío e tenentes da Armada española, celebrado en Marín (Pontevedra).

Coincidindo co Día do Carme, patroa da Mariña, a Escola Naval Militar de Marín acolleu, un ano máis, á cerimonia militar de gradación dos novos oficiais da Armada, que estivo presidido polo Rei Felipe VI e contou coa asistencia das principais autoridades civís, militares e relixiosas de Galicia.

Así, en este acto estiveron presentes, entre outras autoridades, os presidentes da Xunta de Galicia, Alfonso Rueda, e do Parlamento de Galicia, Miguel Santalices, a ministra de Defensa, Margarita Robles, a alcaldesa de Marín, María Pilar Ramallo, e os responsables de diversas institucións e organismos como a Universidade de Vigo e o Consello Consultivo de Galicia.

O momento central da cerimonia foi a xura de bandeira e entrega de despachos para 125 novos alféreces de navío e tenentes da Armada, do que 16 son mulleres. Dáse a circunstancia de que este ano o Buque Juan Sebastián de Elcano non puido estar presente en Marín, xa que participou nos actos con motivo dos 250 anos da independencia de Estado Unidos e regresa a finais de xullo á súa base en San Fernando (Cádiz).

PRESENCIA INSTITUCIONAL

Por outra banda, dentro da actividade institucional, o presidente do Consello Consultivo de Galicia asistiu este mércores en Santiago de Compostela, no acto de presentación do Plan da lingua galega, organizado pola Consellería de Cultura, Lingua e Xuventude. O evento, celebrado na Cidade da Cultura, contou coa presencia de preto de 800 persoas de diferentes ámbitos, entre eles, varios membros do Goberno galego e os titulares do Parlamento de Galicia, da Universidade Santiago de Compostela, da Real Academia Galega, do Consello da Cultura Galega, do Consello Económico e Social e do Consello Consultivo de Galicia.

Tras un proceso participativo e aberto a toda a sociedade e institucións para acadar un gran pacto social, a Xunta presentou unha proposta para actualizar o Plan xeral de normalización da lingua galega, que inclúe case 700 medidas co fin de fomentar e prestixiar o uso do idioma en toda a sociedade.