Nado en Monforte de Lemos en 1955, licenciado con premio extraordinario de licenciatura e doutor en Dereito pola Universidade de Santiago de Compostela. En 1988 accedeu á cátedra de Dereito penal da Universidade de Santiago de Compostela. Na actualidade é catedrático na mesma área de coñecemento na Universidade da Coruña. Ampliou estudos en Alemaña e en Italia, sendo bolseiro da Deutscher Akademischer Austauschdienst, da Fundación Max Planck e do Ministerio de Educación e Ciencia. É autor de quince libros e numerosos artigos sobre temas xurídicos. Ademáis é colaborador dos diarios La Voz de Galicia e El País.